Ismael Yrigoy é investigador Ramón y Cajal no Departamento de Xeografía da Universitat de les Illes Balears (UIB). Previamente, traballou como investigador e profesor en departamentos de xeografía nas universidades de Santiago de Compostela (USC) e Uppsala (UU). Os seus intereses investigadores céntranse na análise dos procesos sociais asociados ás crises inmobiliarias posteriores a 2008. Concretamente, analizou procesos como a irrupción de grandes fondos de inversión, compradores transnacionais, desprazamento e a aparición de rentismos na clase media.
